Mayap a aldo pu!

Nung kekayo pung ipahintulot, buri ke pu sanang ibalita, ipagmaragul, ampong panyad na ring suporta…

Ing kekayo pung talasuyo, atin ya pung libro, at ‘ya pin pu ing Inspirational Book a nung nukarin metung ku kareng talasulat na.

E ke pu solo ining librong ini, bayu ing sable. Nu’ne, koleksyon ne ning atlumpulut-metung (31) a kwento, minubat kareng adwangpulut-pitong (27) talasulat

Deng pung talasulat a reti, menibat la pa pu kareng aliwa-liwang parte na ning yatu, a tinipun na ning kaluguran kung i Jena Isle para makidake king proyekto nang ini.

Atlu la pung kwento ring menibat kanaku keni, personal la po, at tutu lang milyari king bie ku.

Parasan mi po, na pauli da ring kwento king librong ini, makapamye kaming inspirasyon kareng ninumang makabasa kareti.

Ini pu, katuparan ne ning maliwat ku nang paninap, ing maging ganap a ‘author‘ ning libro.

Anya pin agkatan da ko pu, a sana tangkilikan ye pu ining kekaming proyektong ini.

Nung bisa kayo pung manorder, maglakwan kayo pung comment keni o kaya i-text yu ku ing 09173465117. Nung keni kayo mu pong Angeles City, ihatad ke pa pung personal ing libro kekayo.

Sana pu suportan yu kami.

Dakal pung salamat!