Poesia, kuwento, dalit, balita at aliwa pang kuro-kuro a mi-apse king Amanung Kapampangan
Metung na yatang librong tula, para keka ing agawa Ala ku pa rin dimdam ni metung mang salita O’t e ka mo sana adyang saguli malikid Ba mu sanang aintindian ing panamdaman a sakit Sibukan ku na rin ing menarana Iyampang ko keka reng sinulat kung kanta Adyang mengari ku mung tugak keng kauran Ni [...]
Oini na naman! Oini na naman! Daratang ing metung pang alalan! Ing dating bularit dang awsan Ngeni balamu derby ne ing labanan ‘Mu pin ing makalungkot Pauli na ning barangay ya mu Deng aliwa gagawan deng pikatulan At e na dapat pang pag-isipan
Ume na keng mulayi, anting misasaglulu Patse dimdam mi ne siuala ing bacting nang Kong Pidio Iyamu ing panenayan, abatan mi keng dalan Ba kaming makasali ketang sorbetes nang manyaman Neng aliwang aldo, lalo na neng kauran Aliwang klaseng bacting ing kekaming daramdaman Kilityan a mais, metung ya pang manyaman kanan Pane ku pang kukutang [...]
Paldak-sikaran na ning kakaluluan Alang kapanintunan, alang apangan Anya pin oita, kamamaranunan Malutung kabayo, kayang tatalnan
Kinaul mu ne ba ing kekang inda? Keting aldong maka-agpang para kaya Pamigaganaka king kayang pamaglingap Ampo king kayang lugud alang kupas Patse abak paligpit ne ing kekang pagkeran Sukat ka bang maminto o magmamaklakan? Patse lelele na na ing pipanganan Migkusa ka bang sinabing “Ima, aku na kanyan”
Pagkapilitan kung makasulat kawatasan Kapampangan bista man e makanita kalalam ing kanakung kebaluan king kekatamung Amanung Sisuan. Nga ku na pin sinabi ketang tatauli kung kawatasan a “Bingut ku pa mu naman,” e ku pa matalustus ampong dakal ku pa kanan a nasi. Dapot, king kasimplian da ring kanakung obra, mikaswelo ku pung abalu a [...]
Bingut ku pa mu naman Kanaku ya yang aminan Patse ing pisasabyan Ing amanung Kapampangan Nga ku na pin mengamanu ketang metung kung kawatasan “Kalambat ku palang mulala!“ Pero ngeni, mimulat na ku king masala
Kiniyak na ku na naman E ku balu nanung sangkan Kabud na pinatak ing kakung lua At e ku na apigilan Kiniyak na ku na naman O’t kabud na ku mengaga? Tutu, agaganaka ke ing kanakung asawa Pero sigurado kung ali ita ing sangkan
Manakit kung aswang! E la man tatakut king bawang Mengari lang tugak A lulto la neng kauran E no man manyipsip daya Nu’ne ning kaban, kuwalta’t panakitan ampong kinabukasan ning kabalenan
Manibat meko ka, e na tinuknan Patak na ning lu-a ku, antimo ning uran Dapot adyang e mu siguro sasaryan Kalalaki kung tao, ikwa mu kung apagagan
