Manibat king diktadura, dinaun mu ing demokrasya
Uling tinggap mu ing aus na ning balen keka
Metung a simpling mebalung inda
Keti king Pilipinas ika ing menimuna
Kayari ning katungkulan, tahimik kang kinuldas
Linipat me ing upaya king kapalit, a alang alingasngas
Dapot adyang keta king palasyo, aliwa na ika
Makabante ka pa rin, anti ing metung a mayap a inda
Posts Tagged ‘Kapampangan’
Para king kekatamung bayani… Cory Aquino
Pakisabi pung mayap kareng estudyante
Masaya ku istung ababalu ku na ating mamasa kareng kanakung susulat kareng kanakung Kapampangan blog, lalu na patse mag-comment la. Ita mu pu naman ing buri kung parasan king pamang-gawa ku kareng blog ku, ing adake at apasyag kareng aliwa pang Kapampangan deng kanakung poesiang misulat king Kapampangan, ampong ing kanakung opinion kareng bage-bage malilyari [...]
Giovanni Balingit, Kapampangan, Filipino
Ing atyu king litrato king kaili, ‘ya pin i Giovanni Balingit at ing kayabe nang gagalamanuan na, alang aliwa nu’ne ing dating presidente ing America a i George W. Bush.
Ninu wari i Giovanni? O ngeni mo nung atyu a ken? Ninanu ya o’t gagalamunan ne i Bush?
I Giovanni, o “Giovy” kareng kakaluguran na, metung ya [...]
Ing Kanakung Diksyonaryung Kapampangan
Panupaya yu pu nung medyo melambat bayu ku mekapag-paskil bayung artikulo kening kanakung Kapampangan Blog. Pauli na pu ning maliban king manintun kung kabiyayaan king Internet, miyabe ku pung metung a ligligan da reng blogger (at saka ku ne mu pu sabyan ing detalye na), anya pin pu talagang masyado ku pung meging ‘busy’ kening [...]
May 7, 2009 Jose Abad Santos Day
Kapabaluan mu pu, para pu karetang ali pa mikibalu (kalupa ku).
Ing aldo na pu ning May 7, 2009, Huwebes, local holiday ya pu keng Pampanga, para pagselebran ya pu ing Jose Abad Santos Day… ing aldo na pu ning kamatayan na ning metung a bayani ning Pilipinas ampong anac na ning Pampanga.
I Jose Abad Santos [...]
Poesia: “Maki’sawa ya pa kanyan!”
Bakit mo pin kaya istung ating kepalyaran, keng okasyon na mismu ning burol, metung pisasabyan ing pamaki’sawa na ning melakwan? Makanita wari ing dapat? Imbes na damayan yang tapat ing kematen, malaus ‘ta yang tatasan. Balamu mo wari tatalnan taya kaisipan. Asna ka tamu kayapan!
At e aliwa in milyari kanaku, king aldo ning burul [...]
Kalambat Ku Palang Mulala!
Kabang ala ku pa pung asusulat keni, pabusten yu pung idake ke pasibayu ing kanakung mumunang tula, o poesiang Kapampangan a kanakung asulat.
Ing kanakung pangamulat:
Kalambat Ku Palang Mulala!
Kalambat ku palang mulala, antimong tupang mawawala
Pilit keng kakaulan, ing dila da reng banyaga
Kanta, tula ampong sanese, keng english ko tatalete
Na ku pa mo kapagmaragul, ing batal ku [...]
Malaus ko pu!
Dakal pung salamat king pamagpasyal yu!
Malaus ko pu kening kanakung bayung bale!
Nung ibat kayo ketang dati kung bale a nung nukarin susubuk ku pa mu, ngeni adya pung bagya, medyo mika-kumpyansa na ku.
