Salamat Keng Uran

Salamat na mu keng patak ning uran
Misalikut sakit a kanakung panamdaman
King lalam ning dalumdum ampong patak ning danum
Anti ya mo kanaku ing banua maki-agum

Kabang ing uran durugpa king kakung lupa
Makisabe na ring tutulo ing kanakung lua
Ing puso ku kasalukuyan yang manangis
Uling ala naman kanakung manapis

Paburen me pang patak, e ka pa tutuknan
Keng kanakung lungkot, ume mu kung damayan
Isalikut mu ku king patak, patak na ning uran
Ala nang dapat makabalu keng pusu kong manamdaman

Dakal salamat… salamat keng uran…

——————————————
Roy
July 29, 2010
10:04 pm
Angeles City
Philippines

*minuna ya pung mipaskil king Meqeuni Cabalen