Paldak-sikaran na ning kakaluluan
Alang kapanintunan, alang apangan
Anya pin oita, kamamaranunan
Malutung kabayo, kayang tatalnan
Bina neng sangkanan ing gobyerno
Uling masyado lang kurakot kanu
I-una de ing sarili king pamanako
Anya ala nang miraras karelang pakakalulu
Kaybat nang peg-dipaning alti deng manungkulan
Deng makuwala’t atinan deng kayang atupan
Masyas la kanu batal, tiktak keng kaymutan
E da buring idake ing karelang kabyayan
Halos aldo-aldo keta king umpukan
Makanyan ing kekang ababatyawan
Deng aliwa ala la pa mong imalan
Kabang mipapagbida la king karelang kamalasan
Metung yang dake ini, e ne man kabuuan
Ning sosyedad a kekatang kabibilangan
Salamat namu atin mapilan a magkusa
Aintindian dang keng sarili dapat munang mamasa
Paldak-sikaran, nanu nang kapuntalan?
Patse ing kamalasan, eguran me pang katamaran
Sukat me bang i-asa ing swerte karelang aliwa?
O manunyat ka’t kimot, ika ing manibala?
Paldak-sikaran, nanu ing kekang gawan?
————————————————-
Roy
May 21, 2010
7:25 AM
Angeles City
Philippines
Roy, mipadalan cu caputul. Sinilip baguia, menintun nung atin baiung misulat. Cambe ning sablang maliliari queca at careng catubale, calugud-lugud man o masulit, paiabut que queca ing cacung mapaling pamagmamanung (pamangomusta).
dakal a salamat kapatad king kekang pamamasyal. panupaya, ala ku pang bayung agugulis keni. masyado kung marakal a buring gawan, ala ku tuloy ayayari
.-= Roy´s last blog ..“Please come back to me” =-.
hello po kuya kapampangan po ako pero hindi ako gaano marunong magsalita ng malalalim na words ng kapampangan. pinanganak ako sa apalit but since 5years old dito ko tumira sa manila.
im following ur blog. 
i like it! i will link u to my blog.. happy blogging. dakal a salamat kuya roy.. 
biyasa naku man ditak a kapampangan. hahahaha!! mimingat nka mu parati ne? tama ba kuya?
Hello Petitay! Ka-cute na naman ning lagyu mo
Pasensya na ka Kapampanganan da ka, atyu ta kasi keng Kapampangan blog ku e. Dakal a salamat keng binye mung oras pamandalan keni ampong pamamasa kareng sinulat ku.
Okay mu, adyang e ka masyado makapagsalita Kapampangan, ing importante tatanggapan me ampong kikilalanan ing kekang penibatan.
Mayap a aldo ampong mimingat lagi.
.-= Roy´s last blog ..“Please come back to me” =-.
Kasanting na
.-= jules´s last blog ..Kaffe Razzo: Redefining Metro Living =-.