Bingut ku pa mu naman

Bingut ku pa mu naman
Kanaku ya yang aminan
Patse ing pisasabyan
Ing amanung Kapampangan

Nga ku na pin mengamanu
ketang metung kung kawatasan
“Kalambat ku palang mulala!“
Pero ngeni, mimulat na ku king masala

Dapot antimong magumpisang tatakbang
Mengari kung bingut, ume ku pang gagapang
Nga ra pin, dakal ku pa kanan a abyas
Bayu ke ayaus ing sarili kung metung a watas

Ing tutu, e ku pa taganang matalutus
Ing kanakung beluan, dakal pang kakulangan
Anya pin karagul ku pasalamat kang Kang Ernie Turla
Kaniting binye na kanakung Diksyonaryung Kapampangan

Ngeni, magsilbi ya iti kanakung metung a armas
Kambe na ning kanakung bilungan Kapampangan
Sisikan ku lub tataleten ke ing dalan
Bang lumabung pang lalu ing kanakung beluan

————————————————————–

Roy
April 1, 2010
5:50 PM
Angeles City
Philippines