Kwentuhan tamu pa.
Ating metung dyip a mamasada, ing ruta na C-point–Holy–Hi-way, detang kule blue. E ne man masyado malati, e ne man masyado maragul… anaman ya ing bangko misusumangid.
Ing dyip a ini, magbiyahe ne papunta na king SM Clark, buring sabyan, dinurut ne palengke ning Angeles, pisamban maragul, Holy, Sto. Entierro, ampong AUF.
Medyo, miswert’yan ya king biyahe ing kaluguran ta’ng driver. Karas na pa kasi king main gate in Marisol, sapak ne. Mipa-intagun, SM la ngan kuldas pare-pareho ding pasaheros na… anya pin diretso ne mu ing byahe.
Bista man sapak ya, tahimik king kilub ning dyip uling e no man mikikilala ding pasaheros.
Atin metung a babaing malagu a medyo sosyal a maka-min skirt, busy ya mo kanung mag-text, atin naman metung a balamu atin yang sariling yatu uling atin makasaksak earphone king balugbug na. Atin pang aliwang maka-uniform saleslady ning SM at ding aliwa naman, mamasyal la siguro.
Diretso yang mag-biyahe ing dyip – alang alingasngas, alang traffic, alang aberya. Masanting ing aldo.
Anyang kumorba ne ing dyip ketang 1st St., papunta ne SM, biglang ating siningo e masanting a bau. Balu yu na siguro ing buri kung sabyan… atin minatut (panupaya pu).
Alang bubulad, kabud la magtakap arung ding pasahero… medyo mipaglalawe lang pasimple. Ala la man kasi dimdam e. Oneng balu ta’ naman ing atot, nung sanu ing tahimik, ya ing mabagsik.
Natural mu, alang mamamin kareng pasahero. Ing drayber, silip-silip ya ketang salamin na… titimplan no siguro ding pasahero na.
Maligwang salita, miras ya terminal ning SM ining dyip a ala pa rin bubulad.
Ume na lang kuldas dening pasahero uling miras na la pin terminal, anyang bigla yang minirit ing drayber…
“Saguli mu pu, ita pung minatut… ali ya pa po memayad.”
Kabira-bira, mekibat ya itang babaing malagung maka-mini… “Oy! Excuse me, memayad na ku!”
add da kayu pu keng kanakung link
Pong´s last blog ..One Liner: 007/010
Dakal a salamat a Pong.
Kasanting na ning blog mo.
Atin ku pang adwang kaluguran a miyabe king metung a Kapampangan blog mu rin… king Mequeni Cabalen
subukan mu lang pasyalan keni http://cabalenblog.wordpress.com/
Dakal a salamat pasibayu.
thanks pu kong roy, aku pu itang megcomment mudin about kang Among Ed, maging keng Hau Alumni, inagkat yu kupin pu about it kasu atsu kupa pu aliwang bansa. God bless pu.
opu ivist kula pu
Pong´s last blog ..One Liner: 007/010
wa, atatandanan da ka. simap atin yang gravatar ing kekang comment
salamat pasibayu keng suporta.
Roy´s last blog ..Is Manny Pacquiao for real?
mipakayli ku karin ah. ahaha. sana pu dakal kayu pa i kwentung makanyan. manyaman babasan
–
pampangablogger
salamat, aburi me rachel.
dakal la pa ren, e ku la masyado atatandanan deng aliwa hehe…
i-post ku la potang aisip ku
salamat pasibayu.
Roy´s last blog ..Write about your icon and get a chance to win
ayus! makatula ya ing kwentu! mipadalan cu kasi amutmutan cu atin cabaleng keni a biyasang mamoesya…
luid.
dakal pung salamat king pamamasyal king kanakung blog.
pamilitan ku mu pong makagawang poesiang Kapampangan… adyang makananu mu.
asilip ke po ing blog yu, kasanting na. mamaligwa ku mu po uling magobra ku. pero sigurado, magbalik ku po karin.
dakal salamat pasibayu!
Roy´s last blog ..Visita Iglesia in Angeles City
wow! hehe kagaling na naman ing sinulat mo koy… hehehe makatula ya…. ^_^
dakal a salamat, aburi me
Roy´s last blog ..How to get more from Google Adsense
apakayli mu ku keta koyang maski meydo magkasakit kung mamasa uling eku pure a kapampangan. Dakal a salamat keng blog mu koyang at makabasa kung kapampangan.