E ku lubus aisip, ampong e ku aintindian!
Makananu nang ayagyuan ning kekatamung presidente – o pakibalak mu man, na magin yang kongresista kaybat nang miras king pekamatas a luklukan ning kekatamung bansa?!
E ku balu nung penamdaman yu, pero aku balamu metampaling ku! Bilang metung a Pilipino… bilang metung a Kapampangan.
Ala ya man kanung lebagan a batas. Sabi da ring mayap tamung mambabatas, legal ya kanu ing gewa ning kekatamung presidente. Ing babawal na mu ning kekatamung batas, ing tagal ya pasibayung presidente ing metung a makalukluk.
PERO! e na babawal na ing presidente tagal ya pang aliwang posisyon, adyang pang mababa ya pa.
E da ka ‘ta minurit kanita?!
Lunto kaniti, kasalanan da pa retang minunang memalangkas king kekatamung konstitusyon. Pekibalak da na ing metung a presidente, pota talnan neng malambat ing posisyon, kalupa ning milyari kang Marcos kanita. Mu pin, e da pekibalak na ing presidente tagal ya pang aliwang posisyon.
Siguro, e da isip-isipan kanita na ating matinung presidente a mamalak tagal pang mas mababang posisyon kaybat nang milukluk king pekamatas a bangko.
Ulitan ke ne - “Alang matinung presidente ing magnasa pang mas mababang posisyon kaybat nang milukluk king pekamatas!”
Balamu ustu no man, ne?
Dakal a sasabi, metung ya kanung paralan ini ba yang maka-”kalawat” king upaya… king miyayaliwa nang kasasangkanan.
Atin nang, ba yang mikaproteksyon kareng asunto ampong kaso a ibalandra da kaya kareng mengapalyari king administrasyon na, potang ali ne presidente.
Atin namang sasabing, balamu “stepping stone” ya ini papunta king gobyernong “parliamentary” a nung nukarin ing kekatamung kasalukuyang presidente, mitutuk ya bilang prime minister kanita.
Makatakut!
Anya pung umpisan keng isulat ini, ing original na pung titulo, “Apagmaragul mu bang Kapampangan ka?”
Kasi pin po, keng gewa nang Gloria balamu maragul yang kamarinayan kekatamu. O’neng medyu melunus ku king sarili ku, anya pelitan ke.
Ngeni pu, ing buong Pilipinas… i-abe mu ne ing buong yatu, makabande ampong makalawe kareng Kapampangan… kekatamung Kapampangan, pabusten tamu ing buri dang malyari? O kimut tamu’t tuldukan na ing pamamuklat ning makatakot a istorya ning kekatamung bansa.
Sana mu, kaybat ning eleksyon… makapagmaragul tamu pang Kapampangan.
den namang mangatakong mayors balamu linta lang makadikit kang gma. MsyaduAla lang sariling disisyun. Papailalam la king kaburyanan na ning karelang partidu. Enaku magtaka kung bakit ede akasundu e among ed. Sana mituluy yang tagal e Prof David. Mkatakut ampong makarine nung e Gloria ing manyambut…
kalwat kuna pung manintun site pang kapampangan, dati kung mekaturu kening private school angeles at megabroad pansamantala. makalungkut man isipan na kadistritu ke ing presidente at mas makalungkut ing tagal yapang pasibayu. at ining kekang artikulu ikwa naku atensyun. ing pwede kumung agawa is panalangin taya ing kekatamung probinsya at ing kekatamung bansa. PGMA represents the Philippines, PGMA represents the Pampanguenos bawat metung kekatamu makasalamin ya y PGMA misawup sawup tamung manalangin para kaya. I simple agree on your blog. God bless Philippines and Pampanga