Masaya ku ngeni uling nandin gatpanapun, mekatanggap kung aus king kanakung cellphone. Ibat ya ketang inaplayan ku anyang milabasan a domingo king Clark. Sinabi na kanaku a metanggap ku, at nung malyari kung mag-report bukas gatpanapun.
E ku mipabulad, nu’ne pepasalamat na ku mu.
King kelambatan na ning panaun, e ku isip-isipan a makapagobra ku pa. Ing tutu na nyan, medyo mitabangan na ku lub mamag-apply kareng kumpanya. Tambing dang akakit ing idad ku, at istung ikit da ita, pihadong e ku matanggap.
Metung pang sangkan, manibat anyang “minuli ya ligaya banua” ing kanakung asawa, milako na ku gana. Migkasya na ku king pabarya-baryang panakitan ku aldo-aldo king pamag-blog ku… ala na kung boss, mag-enjoy ku pa.
O’neng e na man kasi malyari ita. E ku pwedeng isipan mu kabud ing sarili ku. Atin kung atlung anak a kailangan kung pakanan, piblasan ampong papagaralan. E ku agawa ita nung ala kung masalese obra.
Anya pin dapat magpursigi para naman adinan ku lang masanting a kinabukasan, ara pin. E na ku man pwedeng kabud mu mamasa kareng saup ampong lunus da reng aliwa… nanu nang isipan da reng anak ku.
Ngeni atin na kung obra, malyari da na kung pagmaragul ding anak ku, maliban king adinan ku lang masanting a biye.
Pauli na niti, masaya ku para kareng anak ku.
Keng sumangid na nita, medyo malungkut ku rin.
Bisa ku’t ali, adyang makananu, mi-apektuan ya ing kanakung pamag-blog. Nung apansin yu la deng bilang da reng blog kung atyu king sidebar ku, malyaring awsan yu kung adik king pamag-blog.
E ku naman lilingad ita. Aku na pin, manibat anyang mebalu ku, ‘ya na mu ini ing erapan ku. Aldo’t bengi, susulat ampong susulat ampong susulat.
Maswelo ku istung apapasyag ku ing kanakung kapanamdaman – ke Kapampangan man, o Tagalog man, o English. Basta atin ku mu sanang asusulat.
Ngeni, mabawas ita nung ali man mituknan.
Malungkut ku, pero ala kung akarapat… kailangan… anya pin isipan ku na mu… masaya ku, uling atin na kung tutung obra.
Uhmm, may translator ba ito? hehe, wala ako maintindihan bro.
bloggista´s last blog ..Blogging with a Star
lol pasensya na bro, hindi kayang i-translate in Google ang Kapampangan hehe…
masaya yaping malungkut bro. para kanaku siguru, nung nukarin ka masaya ngeni karin ka, nung itang inapplyan mu masanting ya at balu mung mas maragul ing asaup na kareng anak mu, siguru para kanaku i grab mune, mengyari na rin kanaku yan, nyang magobra ku keng angeles king metung a kumpanya, atyu na ngan karin ing pantunan ku king obra, deng kaluguran kung magobra at ing obrang buri ku talaga ing king office, halus ing aldoldo ku dudurut ne karela at king obra ku, pero uli na ning sakit napin ning bie, merapatan kung mag apply aliwa ing sangkan na ning aku na ing meging padre de pamilya king bale mi,dati ing swledu ku kulang yapa keng luhu ku, oneng ngeni mas makasaup naku king kekami apapagaral kepa ngeni i wali ku, at mas asopan kula deng pamilya ku,, atin ditak a pamag adjust pota mu naman mumuna ita, pero ngeni ayni ditak ditak maging stable naku..
king bie tamu balamu istadu ya yan, per level anapin, siguru buri ng Bro mag accelerate nakaman ngeni king level ning obra mu, bukud king kekang pamag blog. maniwala nakuman keka na adinan mepa rin time ing kekang pamag blog, muna i manage me ing time mu kung sakaling luban me itang work nung nukarin ka metanggap, at lalung lalu na emu mu kakalingwan mamawus keng apung ginu. uling iya ing matas king egana gana keti.
sana meka pamie kung ditak a ideya king asabi ku, agyu mu yan koy.
[...] abasa yu ketang metung kung milabas a sinulat keni, mekapagobra na ku pu meg-umpisang Nobyembre ning milabasan banua. Anya pu talagang mebawas ing oras kung [...]
kagaling naman koya
kaya pala malagad nakang mag online pin. 
alang problema, paminsan mag blog nakamu banta doble panakitan 
aldo2 dobol pay! 
jules´s last blog ..First Two Designs for My Capiz Project
kong roy! masaya ku para keka at keng bayu mung obra. sana mas lalu mu pang tatagan ing lub mu, para kareng anak mu.. pusta ku at siguradu mu na potang dagul la ren, pagmaragul da na tatang daka.. =) mas lalu nakapa sanang sopan ning Guinu.. =)
dakal a salamat, Jaypee and Jules king kekayung suporta