Manakit kung aswang!
E la man tatakut king bawang
Mengari lang tugak
A lulto la neng kauran
E no man manyipsip daya
Nu’ne ning kaban,
kuwalta’t panakitan
ampong kinabukasan ning kabalenan
E no man makatakut, bagkus tutu lang maamo
Potang lalapit la’t makipag-galamano
pero maybug da na kang laparisan rugo
patse makaluklok na la ketang pwesto
Mahilig la naman kareng mete
Anya pane lang atyu kareng lame
Ni e do’ kamag-anak ko kakilala man
Ala naman sigurong marok nung ume do’ng ambagan
Atin tamu pa bang pag-asa?
Miligtas kareng mapanyamantala
Samasan ta na sana’t paka-isipan
E tala sana pipilinan deng aswang
Manakit kung aswang
E la man tatakut king bawang
————————————-
Roy
October 28, 2009
12:00 AM
Angeles City
Philippines
aru…maniwala ku…dakal makanyan tsk tsk tsk…etana ata salese pilipinu uling deng bobotu da reng dakal a memalen detang sikat.
hehehe… malaut tamu pa talaga ketang amanuan dang ‘political maturity’
kasalese na koy,,, buri ke ining gewa mu,.. sakto, mata timing ya,,.
tutu la reng aswang,,,, karakal aswang kening kekatamo,… makarine la.. tutu pin mag aliwa la itsura reng aswang neng mangampanya la, asnong kaganaka kanita, makamaskara la pala,,,,, kalukluk da uytana mamangan lang mamangan,.. matako la reng aswang,.. gisanan nakatamu manyaman..,,.. halalan na naman mangalto nala kanyan,,,…
manakit ku rin aswang,,,
magpapak la pang bawang,….