Anyang milabasan a banwa, atin matako drayber a mamasadang Pandan-Pampang a migloko king anak ku. Ali ne buring ibye ning sukli ning anak ku king bente pesos nang pemayad, pamilit ning drayber apulu ya mu ing pera na. E ya rugu mekapangan pagtuwan ing anak ku ketang aldong ita uling kulang na la deng pera na.
Milabasan a domingo naman, ing anak ku, pauli ne man ibat king eskwela. Makasake ya kang Pandan-Pampang. Anyang kuldas ne king kantu ning highway, anyadwan ne ing sukli na. Pamilit ning drayber binye na ne… balu ta na man siguro nung makananu lang mangamanu deng drayber a reti, lalu na’t anak la ring kasabe da.
Uling ali ne pa talaga binye, pilit neng anyadwan ning anak ku ing sukli na. Masyas neng magsalita ing drayber, tabalu mu nung e ne pa pelmura ing anak ku kanta.
Nung e mu king metung a pengari a kasake ning anak ku, a sinabing ali ne pa binye ning drayber ing sukli, baka ali na ne na naman ikwa ning anak ku ing sukli. Mapalyaring ing drayber a ini, ‘ya naman ing matakong drayber a atupan na anyang milabasan a banwa.
Bakit makanyan la reng drayber? Sabyan mu nang ali egana-gana, pero deng alting mangatakong a reni, atsu la, at bastos la pang magsalita.
E mu pu kareng Pandan-Pampang, adyang kareng aliwa pang ruta atin mu naman makanyan a drayber.
Nandin abak lungub ya ing anak kung pangane king Holy, sinake yang Pampang-Holy (detang green) king highway. Ugali da reng anak ku, kasake da mamayad na lang pamasahe.
Anyang kuldas ne kanu ing anak ku, sisingilan ne ulit ning drayber. E ya pa kanu memayad. Sasabyan na na ning anak kung memayad ne, pati na rin itang metung pang pasahero a kasake ning anak. E pa rin bisang tuknan ing drayber at lalawen ne kanung marok mata ing anak ku.
Bang alang pisasabyan, memayad ya rugu ulit ing anak ku. Pangatako da reng drayber! Bala da galang mikwalta la keng ditak a barya deng dipaning-alte!
Pero e pu pera ing pagmasakit ku kareni, nune itang pamagloko da kareng anak ku. Ampong kalupa na pu ning amanuan ku, kerakalan pu kareng drayber balamu maglaklak istung magsalita la. Isipan yu na mu na’ng penandaman da reng anak ku kareng pemanyabi da reng drayber a reni,
Bakit atin taong makareni? Ala ta bang akarapat kareni? E la ba pwedeng isumbong king gobyerno tamu reni? Mumunang dili, kailangan na ka mung proteksyonan ning kekatamung gobyerno, e wari? O talagang inutil na la mu at e da papansinan ing ‘mangalating‘ bage makanini?
Nokarin ‘ta munta?
Mayap a abak pu, na ku pung kaburi keng blog yu, kaya if you don’t mind, i’ll include your blog in my blogroll…
pasensya na po, di po ako masyado nakakapagsalita ng kapampangan, pero naiintindihan ko po kasi kapampangan mama ko… Kaso mas sanay ako sa tagalog…
Salamat pu…
Dakal a salamat Kurog. Sinilip ke ing blog mu, kasanting na!
keng lawe ku techie na ka, artist ka pa! Congrats!
Salamat aburyan me ing kanakung Kapampangan Blog
okay mu nung e ka masyado makapag-salita, at least aintindian mu… e da ka pwedeng pisali hehe…
dakal ku pu karanasan kareng maknayn. sobra la kabastusan. pasalamat nala reng driver a ren nung masalese ku pamanugali istung atupan daku, uling nung ali masura kurin makibat. pero iisipan ku namu meg aral ku at balu ku ing istu ampo ing ali.
pero maknyan man, makasulasuk la talaga ugali reng kerakalan kareng drivers ngeni. enaman siguru rasun na kalulu la at ela meg aral para masal lang makanta. pero tutu man kerakalan kareng drivers keng pandan at keng cpoint-holy sobra la kabastusan. lalu na siguru reng keng menila. tabalu ut makanta la reng kerakalan da reng drivers ta kening pilipinas. makalungkut…ela mengaturu rugu…
dakal a salamat Julius. aku, andat malyari paki-intindiyan ku la.
pero e sangkan ing manintunan la, mapagal la, o nanu pa man, para bastusan da la reng pasahero
Gud day po. Salamat koy kareng blog mu. Hehehe midinan ku pung ditak a libangan keni office pag alang makaying ggwan. Ayus la pu dng blog mu. Sapul la king kapanandaman da reng kapampangan. Keep it up sir! Medyu parehu kami karanasan ning anak mu a sinabihan na ning driver a ali ya pa memayad. King tutu na pu nini pemakarine nakung todu kanita. Pipilit ku pu na memayad naku oneng e pu meniwala. Ing gewa na pu, tiknang ne ing jeep saka naku patipan. Maybug ku pung mangaga kanta uling first yr highschool ku pa kanita. Pablasang anak ku pa at eh pa byasang mangatwiran, akung singkanan na e memasahi. Gang ngeni magobra naku pu, eku pa rin akalingwan ta. Pati itchura na ning driver eku pu akalingwan… Sad to say pu, halus ding driver mknyan la. Three times naku din pu mebiktima karen…
wa pin pu pala, hehehe! abasa ke din pu tang blog yu a ugali da reng pasaherus. Uli na pu ning milyari kanita kaku nyang anak ku a singkanan da kung e memasahi, e naku sasake king gulut ning jeep. Hanggat malyari king kung harap sasake para nung mamayad ku king driver, kaya ku la pu mismu iabut ding pamasahi ku. Para enaku asangkanan e memasahi. Very traumatic pu kc kaku itang milyari. E mu pu king pampanga malalyari yan pati king manila milyari na kaku yan. MASUKAL KU PU TLG LUB KARENG DRIVER A REN! SORRY NUNG ATING DRIVER A MEKABASA KENING COMMENT KU PERO YAN ING REALITY… PASENCYA NA PO
dakal a salamat allan. aku, e mu minsan. angga pa man ngeni, makatupa ku pa rin matako, makwenta ampong alang modong drayber (e man kasi masakit maging drayber e, miski ninu pwedeng mamasada).
makalungkot mu pin, dakal ku kaluguran a drayber, bisa la ma’t ali, pati ila midadame kareing dapat da reng kayabe dang drayber.