Angga ngeni e ku pa rin aintindian o ba’t king karakal da ring animales o insektong pwedeng pagkumparahan, o ba’t king dagis de pa binase ing aus da kareng taong magobra king pisamban?
Dagis Pisamban ada, istung magobra ka ampong susuyu king pisamban. Ke mamasa ka king misa, magkanta, sakristan ka, o miyembro na man ning nanung organisasyon king pisamban, mayaus kang dagis ning pisamban.
ROTC a da pa pin neng kayi, a buri nang sabyan Rat Of The Church, dagis ya pa rin. Pero bakit pin dagis?
Ako meragul ku naman king pisamban, metung ku naman karetang mayayaus dagis pisamban. E ku naman pagmasakit, oneng talagang pagtakan ku mu. Manibat anyang malati ku angga pa man ngening matwa na ku. E ku pa rin aintindian nung nanung penibatan king kayausan a ita kareng taong magobra king pisamban. (awsan da lang magobra, pero eno man magsweldo ne?)
Pwede naman sigurong kalapati (o pati-pati ada ring aliwa) o kaya adyang paru-paro ning pisamban di ba? Mas masanting la pang pakiramdaman… ela pa mabulok! Pero ing dagis? Nung ali de kakatakutan deng tao, pikasaman de. Peste pin ing turing tamu karela di ba?
Makanyan la wari deng atyu pisamban? Peste la wari? Pikakasaman la ba o kakatakutan? Bakit la kailangan awsan dagis?
Siguro ali ne milako itang kayausan a ita kareng taong atyu pisamban. Mumunang dili, tatanggapan da ita – na ila metung lang dagis ning pisamban. Kakadwa, detang taong mamaus makanita e da na man siguro aintindian o ba’t makanita ing aus da, at ala no man sigurong matsurang buring sabyan. Makanita pin siguro. Disnan da na mu at ala na lang balak bayuan o i-ustu nung mali ya man.
Dagis Pisamban… angga pa siguro kareng tutuking henerasyon, makanita pa rin ing maging kayausan. Angga king atin pang metung a kalupa kung mangutang – o ba’t dagis?
At e ku kalupa, pilit neng pantunan ing penibatan na, at nung kailangan i-ustu ne ing kayausan a ita.
koyang roy, mayap a bengi, naku kaburing mamasa kening sinulat mung dagis pisamban, mumuna pala ing awus da kaku deng abe ku, “nhoi” . buri ke ing tpoic ayni tungkul ya king psamban, kasi akuman dagul ku pisamban king sto. domingo mexico. int katutwan na nyan mipaisip ku rin bakit dagis pisamban ing awus da kareng maratun king pisamban, ing kumentu ku pota dahil ila deng madalas atyu karin nya makanta ing awus da. ita mu at tsaka pala ban lubus mukung akilala, meging youth president ku king parokya mi, nya maka relate ku kareng makanyan a susulat mu tungkul kareng pisamban, ciguru angga king tumwa ku maka talaga ne ing bie ku kiong pisamban,. ita mu mipakaba ne pala ing susulat ku, dakal salamat king pamamasa