Masaya ku istung ababalu ku na ating mamasa kareng kanakung susulat kareng kanakung Kapampangan blog, lalu na patse mag-comment la. Ita mu pu naman ing buri kung parasan king pamang-gawa ku kareng blog ku, ing adake at apasyag kareng aliwa pang Kapampangan deng kanakung poesiang misulat king Kapampangan, ampong ing kanakung opinion kareng bage-bage malilyari keng paligid tamu.
Miras po kanaku na deng kanakung poesiang Kapampangan ginamit da la pu kanu reng estudyanteng magaral king Holy Angel University. Abalu ku pu kasi, ing anak ku metung ya kareng magaral a reta. Ing pami-aliwa na mu pu, ing anak ku atin yang permiso menibat kanaku.
Pakisabi ku sanang mayap, kareng estudyanteng deta, lalu na king karelang maestro – e ku la pu pag-maymut deng kanakung obra, anya makapaskil la keni ba lang mabasa. Anya mu, nung buri yu lang gamitan, king nanu pa mang kasasangkanan, malyari mu sanang manyad kayung permiso ampong e mu kabud kukwa.
Ing mumuna kung asahan keni ding kekatamung tala-turu, apa-intindi da sana kareng kayanakan ing importansya na ning ‘intellectual property rights’ at e uling atyu king internet ing metung a bage – tula ya man, kanta o litrato, e buring sabyan malyari yang kunan basta-basta.
Deng pung kanakung tula, pipagalan ku la pu. Pag-isipan at talaga pung pagsumikapan kung apasanting bilang kanakung dake king pami-palaganap ning Amanung Kapampangan. E ku managal bayad o nanu pa mang karangalan – RESPETO, ita mu pu sana ing ketakatamung ibye. E mu pu kanaku, nune pati na rin kareng aliwa pang manyulat.
Makaswelo ku po, uling deng obra ku megamit la at maging parte la ning metung a pamagaral, lalu na’t patungkol ya king kekatamung Amanung Sisuan. Pero sana mu po, pa-ulit-ulit ku pong sasabyan, abye ta mu po sana itang marapat a respeto.
Anya karen pung estudyante, e mu pu ning Holy Angel nune pati na rin kareng aliwa pang eskwela a mapalyaring gagamit, lalo na kareng maestro o maestrang papantun literaturang Kapampangan, pamun kayo pu. Ala pung bayad ampong e na ko man mipakarine. E kami mu po sana mabibigla na ing kekaming pipagalan, magagamit na la pala a ala kaming kebaluan.
Katataulian, karetang manyawad translation. Panupaya pu, anya po misulat la king Kapampangan deni, ba lang manatiling Kapampangan. Dakal la pa pong blog a Tagalog o English na malyari yu pung aintindian. Pero deni pung atyu keni, e la po mi-translate. Kapampangan mu pu keni.
Dakal pung salamat.
Ang lalim noon Roy, nose bleed ako. They should at least cite their sources. I’m not a native Kapampangan kaya plseae frogive me for not speaking straight Pampangueno. Eh po malyari ing makanyan. Plagiarism ya po.
Ask permission from the author and give attribution to him.
Hi Jena!
Megkasakit ka? Pero aintindian mu ne man ne. Makanita mu pin sana ing buri kung malyari… magpaalam mu, ali ta na man pagmaymut, pabaluan da ka tamu sana.
Dakal a salamat!
wa tutu ita. balu ku ing buri mung sabyan keni. uling maski aku susulat ku mu naman blog kaybat istung kayi manakit ku kareng aliwang blog na paka-post larin reng sinulat ku. respetu pin. etano man pagmaymut. ing buri tamu mu naman manyawad lang permisu kareng mikibandi bayu do gamitan. ita mu naman ing karapat dapat at matulid.
dakal a salamat enjayneer. dakal pin makanyan, atin naman mag-link la pin, oneng matyurang na naman ing gagawan da keng post mu.
o’t e na la kaya misip sarili dang post ne?
metung kurin pu kareng biktima na nining abusung ini kareng tau keng internet. dakal naku pu gewa pero reng aliwa gagamitan dala antimo karela. mebigla nakumu pu ut ikit ke ing kkung “blog post” makasulat yang agad keng metugn a website. dakal pu sindikatu keng internet na gagawa kareni na ala lang marine.
mayan at alang ngipan ing batas keng internet kaya malilyari ini. Para kanaku, metung yang “krimen” at metung a “pamanako” ing pamanggamit obra na akda da reng aliwa.
makalungkut isipan na dkal kareng tau gagawa lang krimen pero ila eda naman buring madapat karela. ita mu pu. dakal pung salamat kareng kekong akda. malwat nakurin pung bisang gawang kapampangan blog. mengari pu i tatang ku metung yang mananalastas kapampangan pero ngeni kupa ikit ing importansya at santing na ning dalit kapampangan.
istu pung kayi aku mag blog nakunaman kapampangan. buri keng ipasyag ing kasantingan na ning kekatang lenguahe. dakal pung salamat.
masanting a balita ita jules!
panenayan ke ing Kapampangan blog mu, ba tamu pang dakal
ano po sa tagalog ito :
Ot makayi ku ngeni.. kakabug ku. E ku mayap…
at ito…
manaya pa ka queca ..
salamat..
pa-email naman ditoo
eonx03@yahoo.com