Manibat meko ka, e na tinuknan
Patak na ning lu-a ku, antimo ning uran
Dapot adyang e mu siguro sasaryan
Kalalaki kung tao, ikwa mu kung apagagan
Nanu pa naman wari ing buri mung gawan ku?
Ing magmakalunus at siklaud king arap mu?
Kulang na mung daya ing kanakung igaga
Ginulut ka pa rin, kaybat mebating kang bigla
Ngening aku nang dili, ampong magmuni-muni
Magparugu-rugu’t malulunus king sarili
Anti la mong misa-saglulu, lu-a ku keng pisngi
Alang metung kaladwa, kanaku makidalamhati
Ala pa ring patna patak na ning kakung lu-a
E ku na pinigil o kiskusan bitasa
Pilan mung penandit, e na ku manakit bina
Ing lu-a ku pala, melangi na’t meging nang muta
—————————–——————————-
Roy
June 24, 2008
11:35 AM
Angeles City
Philippines
Ha, ha , ha…ot makanyan, bala ku sentimental poem ya, bigla rugung comedy…ikaw talaga Roy. May pagkacomedyante ka…an unexpcetd twist made me laugh my heart out. Kagaling mo, kabalen! Me mapaEnglish ya, mapatagalog ya, o kapampangan, bihasa ka pin. Mayap a bengi.
lol, caught you off guard? hehe…
siyempre, serious pa, tatauli ya ing punchline
roy tune kang metung kapampangan, pasalamat ku at ikit ke ing kekang blogs ketang sumangid at atuntun ke ining nilipatan mung bale.
Kaburi ku keng tula mo, keng mumuna heavy drama ya, bala ku gumaga ku naman oneng semutan meng muta hehehe.
Eka sana sasawang susulat at i-share kekami ing kekang belwan.
Ume ka kabalen! Sumulung ka pa!
kabilis yu po!
dakal pung salamat at mekatuki keng bayu kung bale
ing tutu na pu niyan, dakal ku pa po panigaralan king kekatamung amanu… mag-umpisa ku pa mu po
pwede po bang pakitranslate? kelangan ko po kc ng may translation…assignment lng po
kasampat napu ning tula yo, makayama yang babasan. tutu pu ing mesambitla keng tula na parating dang kukutang deng kakaluguran lalu na nung malwat na kayung e mikikit, agad dang kutang nanung obra mu at nukarin ka magobra. dakal pung salamat at sana dakal ko pa pu asaupan at apasayang tau king pamanyulat keng amanu tamung sisuan. luid ya ing kapampangan
dakal pung salamat king kekong papuri. maybug ku pung manlati, uling ing tutu na pu kanyan, metung kareng sangkan ning kanakung blog a Kapamapangan ing mabiasa ku naman, uling aminan ku naman dakal ku pa e balu.
makanyan man pu, dakal pung salamat pasibayu.