Paldak-sikaran na ning kakaluluan
Alang kapanintunan, alang apangan
Anya pin oita, kamamaranunan
Malutung kabayo, kayang tatalnan
Basan me ing buong makasulat →
Paldak-sikaran
Kinaul mu ne ba ing kekang Inda?
Kinaul mu ne ba ing kekang inda?
Keting aldong maka-agpang para kaya
Pamigaganaka king kayang pamaglingap
Ampo king kayang lugud alang kupas
Patse abak paligpit ne ing kekang pagkeran
Sukat ka bang maminto o magmamaklakan?
Patse lelele na na ing pipanganan
Migkusa ka bang sinabing “Ima, aku na kanyan”
Basan me ing buong makasulat →
Kawatasan Kapampangan
Pagkapilitan kung makasulat kawatasan Kapampangan bista man e makanita kalalam ing kanakung kebaluan king kekatamung Amanung Sisuan. Nga ku na pin sinabi ketang tatauli kung kawatasan a “Bingut ku pa mu naman,” e ku pa matalustus ampong dakal ku pa kanan a nasi.
Dapot, king kasimplian da ring kanakung obra, mikaswelo ku pung abalu a miyabe la kening kamalig na inaus dang Kawatasan Kapampangan a gewa na pu ning kekatamung kapatad a i Papa Osmubal.
Ini pung bilungan a ini, maglaman yang asna karakal a kawatasan manibat pa kang Diosdado Macapagal angga na kareng watas na ning kekatamung panaun… at nga ku na pin, miyabe ya naman ing “magsasa” a kalupa ku.
Basan me ing buong makasulat →
Bingut ku pa mu naman
Bingut ku pa mu naman
Kanaku ya yang aminan
Patse ing pisasabyan
Ing amanung Kapampangan
Nga ku na pin mengamanu
ketang metung kung kawatasan
“Kalambat ku palang mulala!“
Pero ngeni, mimulat na ku king masala
Basan me ing buong makasulat →
Tinipun a kalokoan, Kepampanganan!
Para kareng e pa mekapamasa, pepekat ku la pasibayu keni, ibat ketang luma kung Kapampangan blog, deting miyayaliwang birung akalap nung nukarin, bang mipakayli la adyang bagya mu.
Para naman kareng mekapamasa na, basan tala pasibayu, at pihong mipakayli tamu ulit.
Tinipun a kalokoan, Kepampanganan!
Miyayaliwang biru o kalokoan a akalap ku kareng palele-lele, at saka ko Kepampangan… makatula la pa rin kaya?
Lawen tala.
Basan me ing buong makasulat →
Pakisabing mayap kareng kekatamung kandidato
Pilan nang aldo, mag-umpisa na rin ing kampanya kareng kakandidatong opisyales ning balen. Sigurado mu, masigla masaya na naman kanta.
E ta na alako, ala namang kaso kanaku nung masigla masaya, makanyan talaga mangampanya la e.
Pero makanita man, atin ku po sanang pakisabing mayap kareng kekatamung kandidato… nung malyari mu po sana… ne?
Ing pakisabi ku po, simple ya mu po.
Basan me ing buong makasulat →
Ing miki-dapat
Kwentuhan tamu pa.
Ating metung dyip a mamasada, ing ruta na C-point–Holy–Hi-way, detang kule blue. E ne man masyado malati, e ne man masyado maragul… anaman ya ing bangko misusumangid.
Ing dyip a ini, magbiyahe ne papunta na king SM Clark, buring sabyan, dinurut ne palengke ning Angeles, pisamban maragul, Holy, Sto. Entierro, ampong AUF.
Medyo, miswert’yan ya king biyahe ing kaluguran ta’ng driver. Karas na pa kasi king main gate in Marisol, sapak ne. Mipa-intagun, SM la ngan kuldas pare-pareho ding pasaheros na… anya pin diretso ne mu ing byahe.
Bista man sapak ya, tahimik king kilub ning dyip uling e no man mikikilala ding pasaheros.
Basan me ing buong makasulat →
Holy Angel alumni ka?
Metung ka ba kareng Holy Angel alumni?
Mekapag-attend na ka kareng homecoming a magaganap balang Disyembre na ning banwa?
Nung alumni na ka ning Holy Angel, ke makapag-attend na kang homecoming o ali pa, buri ku mung pabalu ing blog a nung nukarin makapamasa kang balita tungkol king preparasyon para king homecoming king banwang ini.
Wapin pu yan ing HAU Grand Alumni Homecoming a kanakung gewa bilang miyembro na ning Primemovers Batch 85 a maging host na ning homecoming ngeni.
Basan me ing buong makasulat →
Balloon Fiesta
Balloon Fiesta, yan ing aus mi ding anak ku keng Hot Air Balloon Festival. Patse atyu ne ing Enero pirming antabayan mi ya ing kaganapan a ini. At ngeni ping banwang ini, maganap ya iti king bulan ning Pebrero.
Matula kami ding anak ku patye akakit mi lang balamu gagato la mu king babo kayabe da reng ulap. Asno kasanting lalawen lalu na miyayaliwa la hugis ampong kule.
Basan me ing buong makasulat →
Pasaherong Filipino: Miyayaliwang ugali
Kabang ala ku pang balung isulat kening kanakung Kapampangan Blog, pabusten yu pung ituloy ke pa ing pamag-lipat ku karetang aliwa pang makapaskil ketang luma kung blog a Kapampangan.
Aku na pin ketang minuna, ditak-ditak ilipat ku la detang aliwa nang laman nita uling ali ku ne i-update ita pauli ning ini na mu ing kanakung imentenang blog king Amanung Sisuan.
Ini pung sinulat kung ini, tungkul ya kareng obserbasyon ku kareng ali-aliwang ugali da pu ring pasaherong Filipino. Nung sakali man pu, atin mituran, panupaya pu, obserbasyon ampong sarili mu pung opinyon ini.
Ding miyayaliwa dang dapat ding pasaherong Filipino:
Basan me ing buong makasulat →
