Poesia, kuwento, dalit, balita at aliwa pang kuro-kuro a mi-apse king Amanung Kapampangan
Balloon Fiesta, yan ing aus mi ding anak ku keng Hot Air Balloon Festival. Patse atyu ne ing Enero pirming antabayan mi ya ing kaganapan a ini. At ngeni ping banwang ini, maganap ya iti king bulan ning Pebrero.
Matula kami ding anak ku patye akakit mi lang balamu gagato la mu king babo kayabe da reng ulap. Asno kasanting lalawen lalu na miyayaliwa la hugis ampong kule.
Basan me ing buong makasulat →
Kabang ala ku pang balung isulat kening kanakung Kapampangan Blog, pabusten yu pung ituloy ke pa ing pamag-lipat ku karetang aliwa pang makapaskil ketang luma kung blog a Kapampangan.
Aku na pin ketang minuna, ditak-ditak ilipat ku la detang aliwa nang laman nita uling ali ku ne i-update ita pauli ning ini na mu ing kanakung imentenang blog king Amanung Sisuan.
Ini pung sinulat kung ini, tungkul ya kareng obserbasyon ku kareng ali-aliwang ugali da pu ring pasaherong Filipino. Nung sakali man pu, atin mituran, panupaya pu, obserbasyon ampong sarili mu pung opinyon ini.
Ding miyayaliwa dang dapat ding pasaherong Filipino:
Basan me ing buong makasulat →
Masaplalang bayung banua! Masayang 2010 kekatamu ngan!
Panupaya po. Medyo malambat-lambat na naman bayu ku mekasulat kening kanakung Kapampangan blog. Ing tutu na pu nyan, kakadwa ketang ala ku talagang aisip isulat na masanting, medyo masyado ku pung marakal asikasuan kening mengalabasan a aldo.
Nung abasa yu ketang metung kung milabas a sinulat keni, mekapagobra na ku pu meg-umpisang Nobyembre ning milabasan banua. Anya pu talagang mebawas ing oras kung maka-online.
Neng bengi na mu pu, kaybat megobra, kanaku na ku mu milukluk harap ning computer ku para sumulat. Kadalasan, uling mapagal ku, e na ku makasulat man. Neng kayi, kabud na ku makatunganga keng monitor ning computer ku.
Basan me ing buong makasulat →
E ku lubus aisip, ampong e ku aintindian!
Makananu nang ayagyuan ning kekatamung presidente – o pakibalak mu man, na magin yang kongresista kaybat nang miras king pekamatas a luklukan ning kekatamung bansa?!
E ku balu nung penamdaman yu, pero aku balamu metampaling ku! Bilang metung a Pilipino… bilang metung a Kapampangan.
Ala ya man kanung lebagan a batas. Sabi da ring mayap tamung mambabatas, legal ya kanu ing gewa ning kekatamung presidente. Ing babawal na mu ning kekatamung batas, ing tagal ya pasibayung presidente ing metung a makalukluk.
PERO! e na babawal na ing presidente tagal ya pang aliwang posisyon, adyang pang mababa ya pa.
E da ka ‘ta minurit kanita?!
Basan me ing buong makasulat →
Masaya ku ngeni uling nandin gatpanapun, mekatanggap kung aus king kanakung cellphone. Ibat ya ketang inaplayan ku anyang milabasan a domingo king Clark. Sinabi na kanaku a metanggap ku, at nung malyari kung mag-report bukas gatpanapun.
E ku mipabulad, nu’ne pepasalamat na ku mu.
King kelambatan na ning panaun, e ku isip-isipan a makapagobra ku pa. Ing tutu na nyan, medyo mitabangan na ku lub mamag-apply kareng kumpanya. Tambing dang akakit ing idad ku, at istung ikit da ita, pihadong e ku matanggap.
Basan me ing buong makasulat →
Kiniyak na ku na naman
E ku balu nanung sangkan
Kabud na pinatak ing kakung lua
At e ku na apigilan
Kiniyak na ku na naman
O’t kabud na ku mengaga?
Tutu, agaganaka ke ing kanakung asawa
Pero sigurado kung ali ita ing sangkan
Basan me ing buong makasulat →
Manakit kung aswang!
E la man tatakut king bawang
Mengari lang tugak
A lulto la neng kauran
E no man manyipsip daya
Nu’ne ning kaban,
kuwalta’t panakitan
ampong kinabukasan ning kabalenan
Basan me ing buong makasulat →
(Menibat ya pu ini ketang luma kung blog a Kapampangan, papaskil ke mu naman pu keni uling lilipat ku la ditak-ditak detang pwedeng ilipat menibat keta)
Kanita, atin ku akayabe keng obra a makwento. Asne karakal a balung biru o joke ara pin. Andat makalupung na kami, kakabid yang kakabid pauli na pin deng makatula nang kwento. Metung ya ini kareng paborito kung kwento na…
Misan a aldo kanu, atin metung a bayung-tao a miparas bandang Sapangbato. Kanita ya pa mekapunta ing lalaking ayni at ala yang kebalu-balu tungkol keng lugar.
Miras ya karin uli mong akutang na nung nukarin sasake papuntang Sapangbato. Ikwa na pin miras at kinuldas ne king dyip, ngeni atin na ne na naman problema. E ne balung puntalan ing pake nang lugar.
Basan me ing buong makasulat →
Mayap a aldo pu!
Nung kekayo pung ipahintulot, buri ke pu sanang ibalita, ipagmaragul, ampong panyad na ring suporta…
Ing kekayo pung talasuyo, atin ya pung libro, at ‘ya pin pu ing Inspirational Book a nung nukarin metung ku kareng talasulat na.
E ke pu solo ining librong ini, bayu ing sable. Nu’ne, koleksyon ne ning atlumpulut-metung (31) a kwento, minubat kareng adwangpulut-pitong (27) talasulat
Basan me ing buong makasulat →
Makanyan pu ing panagkat da reng bayu ta’ng kaluguran a i Jules ampong i JP ketang karelang bayung blog. Anya matula ke pung ibalita ampong ipakilala na mu rin ing karelang bayung Kapampangan blog, Mequeni Cabalen.
Lawen yu naman, header pa mu, minyambut ne! Ikwa de ini, nung e ku magkamali, king Hot Air Balloon Festival king Clark.
Bayu’ng sabla, pakilala ko pa rening adwang blogger a reni – Jules o Julius ampong i JP. E na la bayu ing pamag-blog deng adwa uling atin na la man dating blog (madakal la naman kalupa ku), mu pin English la.
Basan me ing buong makasulat →
This blog contributes to the web with Nofollow Reciprocity.
